Чиркәү шимбә иртәсендә яна башлаган. BFMTV каналы хәбәр итүенчә, бина янында 70 янгын сүндерүче эшли, шуңа да карамастан әлегә янгынны киметеп булмый.
Җирле медиа хәбәр иткәнчә, янгын 7:30да башланган (Казан вакыты белән 8:30). Әлегә янгын сәбәпләре хәбәр ителми.
Нантта урнашкан Петр һәм Павел соборы – Франциянең иң зур готик чиркәүләрнең берсе. Аның биеклеге Нотр-Дам чиркәвеннән 6 метрга гына кимрәк.
1972 елда собор инде янган булган. Ул чакта бинаны өч елга реставрациягә япканнар.
2019 елда Парижның Нотр-Дам чиркәве янды. Чиркәүнең түбәсе һәм манарасы ишелеп төште.
