Көндезге хәбәрләр кыскча:
- Олаф Шольц һәм Эммануэль Макрон Владимир Путин белән сөйләшә — AFP
- Германия көзгә кадәр Русия күмереннән, ә ел ахырына Русия нефтеннән баш тартырга җыена — Германия икътисад министрлыгы.
- Sony Pictures Русиядә эшчәнлеген туктатып тора. Моңа кадәр Disney, Netflix, Amazon, WarnerMedia туктаган иде.
- Русия хәрбиләре Мариупульнең көнчыгыш чикләрен басып алды дип белдерә Украина Баш штабы.
- Роман Абрамовчика салынган санкцияләр "Челси" футбол клубын бөлгенлеккә төшерергә мөмкин — The Telegraph
🔸 MoneyGram түләү системы Русиядә хезмәт күрсәтүне туктатып тора.
Украинада 16 көн дәвамында барган сугышта 79 бала һәлак булган, 100ләбе яраланган. Бу хакта Украина Баш прокуратурасы хәбәр итте.
280нән артык уку йорты җимерелгән, аларның 9ы тулысынча юк ителгән.
Прокуратура мәгълүматынча, Украинада 7 миллион бала сугыш сәбәпле белем алудан мәхрүм.
Мелитополь халкы шәһәр мэрын иреккә җибәрүне таләп итә
Русия гаскәре контролендәге Мелитополь шәһәрендә берничә мең кеше шәһәр мэры Иван Федоровны иреккә җибәрүне таләп итеп митингка чыкты. Федоровны Русия хәрби хәрбиләре тоткарлаган, аның кайда икәнлеге билгесез.
11 мартта көндез Украина президенты Офисы башлыгы урынбасары Кирилл Тимошенко Федоровны урлап китүләре турында белдергән иде. Соңрак Федоровны русияләр алып китүен күрсәтүче видео чыкты.
Британия күзләве Русия гаскәрләре Киев тирәсендә дип белдерде.
Британия күзләве мәгълүматынча, Русия гаскәрләренең төп төркеме Киев тирәсендә урнашкан, алар шәһәр үзәгеннән төньяк-көнбатышка таба якынча 25 км ераклыкта. Анда бәрелешләр бара.
Шул ук вакытта күп чакрымнарга сузылган хәрби техника таралып урнашкан. Британия күзләве фикеренчә, бу Киевны уратып алырга җыенуны белдерергә мөмкин.
Сугышның беренче атнасында Татарстанда иң кыйбатланган азык-төлек:
кишер — 6,27% — 40,05 сумнан 42,56 сумга.
помидор — 4,74% — 169,58 сумнан 177,62 сумга.
банан — 4,52% — 88,98 сумнан 93,00 сумга.
чөгендер — 3,83% — 43,82 сумнан 45,50 сумга.
кәбестә — 3,83% — 62,61 сумнан 65,01 сумга.
алма — 3,27% — 87,49 сумнан 90,35 сумга.
шикәр — 3,15% — 56,15 сумнан 57,92 сумга.
25 февраль - 4 мартка Татарстанстат мәгълүматлары.
Русиядә чит ил ширкәтләре киткәннән соң 120 мең эш урыны югалачак
Кулланучылар базарының төрле өлкәләрендә статистика җыеп анализлаучы Statista ширкәте мәгълүматынча, Украинадагы сугыш аркасында Русиядән чит ил ширкәтләренең китүе 120 мең эш урынын югалтуга китерәчәк.
Птушкин видеосын карагач, менә бу мәкаләне дә укырга киңәш итәбез. Азатлык Русия режимы пропагандасының 5 мөһим ялганын алып, аларның ни өчен нәкъ менә ялган булганын аңлата.
"8 ел мин кайда булдым"
Сәяхәтләр турында видеоблог алып баручы Украина журналисты Антон Птушкин русияләргә мөрәҗәгать чыгарды.
"Тумышым белән мин Луһанскидан. Луһански - минем йортым, 2014 елда аны миннән тартып алдылар. Сезнең кайчан да булса йортыгызны тартып алганнары булдымы?"
Видеода ул туган йортын югалтуы, Украинадагы фашистлар турында миф, ил халкының урыс телеә булган мөнәсәбәте һәм Русиядәге цензура турында сөйли.