Сәясәтче Владимир Кара-Мурзаны полиция хезмәткәрләренә буйсынмавы өчен 15 тәүлеккә кулга алганнар.
Кара-Мурзаны полицияне күргәч "хәрәкәт юнәлешен үзгәртеп, үзен адекват тотмавы" өчен 11 апрель кичендә тоткарлаганнар. Бу хакта адвокат Вадим Прохоров чыгарган хисапларда языла. "Ватандаш Кара-Мурза Владимир Владимирович полиция хезмәткәрләрен күргәч, хәрәкәт юнәлешен үгәртеп, үзен адекват тотмаган, адымын тизләткән һәм, алар туктарга кушкач, качарга тырышкан. Тоткарлаган вакытта каршылык күрсәткән, шәхесен раслаучы документларын күрсәтүдән һәм полиция машинасына барудан баш тарткан" диелә.
Прохоров сүзләренчә, Кара-Мурзаны "алдан килеп туктаган полиция автобусында, өенең ишек алдында көтеп торган булганнар һәм машинасыннан чыгуга ук тоткарлаганнар".
Русия гаскәрләре Украинага бәреп кергәннән соң, 2022 елның мартында башка оппозиционерлар һәм җәмәгать эшлеклеләре белән бергә Кара-Мурза Русиянең сугышка каршы комитетын оештырган иде. Монда тулырак.
Польша, Литва, Латвия һәм Эстония президентлары Киевка бара
Анджей Дуда, Гитанас Науседа, Эгилс Левитс һәм Алар Карис Украина президенты Владимир Зеленский белән очрашып, аңа "сәяси һәм хәрби теләктәшлек сүзләрен" әйтәчәк, дип көтелә.
13 апрель иртәсенә төп хәбәрләр:
🔸 АКШ президенты Джо Байден Украинадагы хәлләрне "геноцид" дип атады, ләкин юридик яктан геноцид булу/булмавын хокук белгечләре әйтергә тиеш диде.
🔸 Польша, Литва, Латвия һәм Эстония президентлары Киевка бара. Алар Владимир Зеленский белән очрашып, аңа "сәяси һәм хәрби теләктәшлек сүзләрен" әйтәчәк дип көтелә.
🔸 Гыйнвар-март аралыгында Русия белән Кытай арасында сәүдә 28,7%ка арткан.
🔸 АКШ Украинага тагын750 миллион долларлык корал бирергә җыена. Бу хакта көн азагына кадәр рәсми игълан ителәчәк, дип яза Reuters.
🔸 Чит ил онлайн-кибетләре Русия чыгарган UnionPay карталары түләүләрен үткәрми, дип хәбәр итә "Коммерсантъ". UnionPay үзе бу вазгыятькә тыкшынмый.
Зеленский Медведчукны әсир төшкән Украина хәрбиләренә алыштырырга тәкъдим итте
"Русия Федерациясенә бу егетегезне урыс әсирлегендәге безнең егетләргә һәм кызларга алыштырырга тәкъдим итәм", дигән Украина президенты.
12 апрельдә Зеленский үзенең Telegram-каналында Медведчукның фотосын чыгарган иде, аның кулларына богау салынган. Оппонентлары Медведчукны Русия хакимиятен хуплаучы сәясәтче дип атый, ул йорт сагында булган, әмма Русиянең Украинага каршы сугышы башында юкка чыккан.
Тулырак монда укыгыз.
13 апрель көнне Украина һуманитар коридорлар ачмаячак
Бу хакта Украина вице-премьеры Ирина Верещук белдерде. Моны ул Русия гаскәре гамәлләре белән аңлатты. Верещук сүзләренчә, Русия хәрбиләре Запорожье өлкәсендә эвакуацион автобусларны блоклый, ә Луһански өлкәсендә атышны туктату тәртибен боза.
❗️ Google үзенең "Google Play" кибетеннән Сбербанк кушымтасын бетергән.
Кичә банк кушымтасы AppStore кибетеннән дә бетерелгән иде.
24 февральдән Русия басып кергәннән бирле Украинада кимендә 20 журналист үтерелгән.
Украина журналистлар берлеге аларның исемлеген чыгарды. Берлек бирегә бары тик үлемнәре Украинаның баш прокуратурасында расланганнар гына кергән дип искәртте.
Швеция премьер-министры сүзләренчә, Стокһолм НАТОга керү турында гаризаны июнь ахырында тапшырырга ниятли.
Финляндия парламенты илнең НАТОга керүе турында киләсе атнада фикер алышачак. Бу хакта Финляндия премьер-министры белдерде.