Чечня башлыгы Рамзан Кадыровның балигъ булмаган улларын – Әхмәт һәм Адәм Кадыровларны республика эчке эшләр министрлыгының "Террорчылык белән көрәштә аерылып торган өчен" дигән истәлекле түштамгалар белән бүләкләгәннәр. Бу хакта "Грозный-информ" хәбәр итә.
Әхмәткә – 17, Адәмгә – 15 яшь. Аларга бу бүләкләрне Чечня эчке эшләр министры һәм республика Росгвардиясе идарәсе җитәкчесе тапшырган.
Былтыр Кадыров үзенең балигъ булмаган уллары – ул чакта 16 яшендә булган Әхмәтне, 15 яшьлек Зелимханны һәм 14 яшьлек Адәмне Украинадагы сугышта катнаша дип сөйләгән иде.
- Былтыр ноябрьдә Русия президенты Владимир Путин Чечня башлыгы Рамзан Кадыровның хатынына "Каһарман ана" исеме бирде. Медни Кадырова – бу исемне алган Русиядәге беренче хатын-кыз булды.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!
Форум