Mäskäw şähär mäxkämäsendä kiçä açılğan amerikan jurnalistı Paul Xlebnikovnı üterüne tikşergän utırış 18nçe ğinwarğa qädär kiçekterelde. Kiçekterüneñ säbäbe - advokatnıñ mäxkämä eşenä qomaçawlıq itüe, dip xäbär itelä. Ğäyeplänüçe 3 keşe – Fail Sadretdinov, Musa Vaxayev häm Kazbek Dukuzov kiçä ğäyeplären kire qaqtı. "Forbes" jurnalınıñ Rusiädäge möxarrire Paul Xlebnikov 2004nçe yılda eşe yanında atıp üterelgän ide. Prokuratura, rişwätçelek häm idän-astı eşmäkärlekne tikşergän jurnalistnı üterergä çeçen keşese Xoca-Axmäd Nuxayev kürsätmä birgän dip farazlıy. Nuxayev häm eşkä qatnaşı buluda şiklänelgän tağın ike keşe äle dä tabılmağan.
