Accessibility links

Кайнар хәбәр

Yähüdlärgä höcüm itüçe törmädä qalaçaq


Mäxkämä, çärşämbe könne Mäskäw sinagogasında ğibädät qıluçılarğa pıçaq belän höcüm itkän Aleksandr Koptsev isemle yäş keşene törmädä qaldırıp torırğa qarar itkän. Koptsev milli häm dini nigezdä üterü omtılışı yasawda ğäyeplänä. Xakimä Lyudmila Zubenko, mäxkämäneñ bu qararın – kisätü çarası, dip añlattı:

"Koptsevnıñ awır cinäyätlär qıluın, xäzerge waqıtta ber qayda da eşlämäwen isäpkä alıp, mäxkämä, ägär dä Koptsev irekkä çığarılsa, anıñ tikşerüdän qaçu häm cinäyätlär qılu ixtimalın farazladı. Şuşı säbäplärdän çığıp, Rusiäneñ cinäyät qanunınıñ 108nçe mäddäse nigezendä, mäxkämä ğäyeplänüçene törmädä qaldırırğa qarar itte," dide Lyudmila Zubenko.

Koptsev 8 keşene pıçaq belän qadap yaralawda ğäyeplänä. Höcüm Rusiäneñ dini häm säyäsi yulbaşçıları tarafınnan kisken täñqitkä duçar buldı. Yähüd oyışmaları sinagogalarda iminlekne nığıtu öçen çaralar kürergä çaqırdı.
XS
SM
MD
LG