Qoş kizüeneñ Yewropa Berlegenä kilüe berlek illären bu virustan saqlanu çaraların arttırırğa mäcbür itä. Bügen Yewropa Komissiäse berlek illärenä kizü tabılğan urınnarnı tiz arada izolyatsiäläw öçen saqlıq zonaları sisteması buldırırğa täqdim itte.
Küptän tügel qoş kizüeneñ keşe öçen qurqınıçlı H5N1 töre Berlektä äğza bulğan Gretsiä belän İtaliädä häm Berlekkä quşılırğa cıyınuçı Bolğarstanda tabıldı.
Sloveniädä dä ber aqqoş qoş kizüennän ülde. Ämma anda virusnıñ H5N1 töreme yuqmı ikänen açıqlaw eşe äle tämamlanmağan.
