Monı ber yaqlı ğına qararğa yaramıy inde. Xalıq öçen bu maşina bik kiräk ide. İnvalidlarğa bik küp birdelär alarnı. Şuşı yaqtan qarağanda, älbättä, cäl'. Ämma citeşterü yağınnan qarağanda bälki ul faydalı maşina bulmağandır da. Üzem min inomarkanı telär idem. Älegä desyätkada yörim.
- Oka? Maşina meni inde ul? Menä mindä ike okuşka buldı. Ni fayda inde? Daimi watıla da tora. Äle min Opel' maşinasında yörim. Aña 20 yıl, ämma äybät kenä yöri.
- Minemçä, bu bik äybät küreneş tügel, çönki här keşeneñ dä djiplar, inomarkalar alırğa mömkinçelege yuq. Min üzem yañaraq maşinalarnı saylıym inde. Ämma okada da yörer idem. Menä bügen ük oka maşinasın alırğa mömkinçelegem bar. Başqalarına xäl citmäsä dä, okuşkanı bik tırışsam alam.
- Oka maşinasına ixtiac zur ide. Küp kenä yäş qızlar da yöri başlağan ide alarda soñğı waqıtta. Şuña kürä maşinanı citeşterüdän alu bik yaxşı närsä bulmadı inde. Ämma ikençe yaqtan qarağanda, anıñ bit sıyfatı bik tübän ide. Bik küp avariälär näq şuşı markalı maşinalar belän bula bit. Şäxsän min üzem “14 model'”dä yörim. Okuşkağa utırmas idem, çönki qurqam!
- Keşelärneñ mömkinçelege bertörle tügel. Okanı citeştermäw naçar inde. Minem maşina yuq. Oka maşinası miña bik tä kileşer ide.
Al'bina Zäynulla
