Accessibility links

Кайнар хәбәр

Qoşlarnı vaksinlaw täqdime tikşerelä


Brussel -- Yewropa buylap tarala barğan qoş kizüenä qarşı, belgeçlär qoş-qortlarnı vaksinlaw ixtimalın tikşerä başladı. Fransäneñ qaz-ürdäklärne vaksinlaw täqdimenä, Niderland ta quşıldı. Yewropa Berlegeneñ berniçä ile bu ısulnıñ näticäle bulaçağına şik belderä. Ul arada Xorvatiä qoş kizüe tabılğan çirattağı il buldı. Bu turıda bügen ilneñ Veterinaria İnstitutı xäbär itte. Moña qädär virus Macarstanda terkälgän ide. Slovakiädä, qoş kizüennän ülgän dip sanalğan ike qoşnı qabat tikşerü kiräk dielä. Germaniädä virusnıñ tağın berniçä oçrağı terkälgän. 3 yıl elek Aziädä başlanğan bu virustan barlığı 90nan artıq keşe wafat buldı.
XS
SM
MD
LG