Tatarstannıñ baş ärxäräye Anastasiy bu könnärdä, ber törkem çirkäw ähelläre belän Tahranda yöri. İran başqalasında, şiğilär häm prawaslawlılar arasında üzara duslıqqa bağışlanğan simpozium bara. Şiğilär, islam dineneñ ber tarmağı tarafdarları. Urıs çirkäwe, bu möselmannar belän duslıq ceplären urnaştırırğa Qazan häm Tatarstan ärxäräye Anastasiynı delegatsiä başlığı itep cibärgän. Säfär xaqında, Qazandağı çirkäw ähelläre bernindi dä añlatmalar birmilär. Anastasiy üze qaytqaç qına dilär. Ä Tatarstan möselmannarı diniä näzaräte bu mä’sälägä ällä ni iğtibar birmäde. Möfti urınbasarı Wäliulla Yaqup, Azatlıq radiosına, bu bit şiğilär belän prawaslawlılar duslaşa, dip kenä belderde
Räfis Cämdixan
