RİU tiräsendäge wäzğıätne regionnardağı möselmannar törleçä qabul ittelär. Tubän Kama şähärendä, mäsälän, mäçetlärdä, comğa namazlarınnan soñ şuşı xaqta söyläşülär bulğan, imamnarğa sorawlar birgännär. Azatlıq xäbärçesenä şähärneñ üzäk mäçete imamı Yosıf xäzrät şulay dide. Anıñ äytüençä, mäçetkä yörüçe möselmannar arasında da küp törle fikerlär çıqqan. Şul fiker alışulardan soñ şähär möxtäsibäte İslam universitetı buyınça Tatarstan prezidentı Mintimer Şäymievqa möräcäğät eçtälegen yosıf xäzrät bolay bäyän itte - Bügenge Tatarstanda 50 artıq dönyawi, yuğarı uqu yortı bar, kiräk bulsa, häm alarnı tağın da açıp bula, häm monıñ öçen "svetski" itäbez diep, älege uqu yortına bäylänü, anıñ eşçänlegen tuqtatu döres tügel RİU açılğanda uq döres fiker belän açıldı, yäğni, yäşlärebez dini belem alu öçen çit illärgä kitep, törle ağımnarğa iärmäsennär, belemne üzebezdä alsınnar dielgän ide.İU üz maqsatın ütäw öçen tözelep bette digändä genä, üzebezneñ ildä belem alırğa mömkin digän fiker uyana başlağaç qına, eşne tuqtatıp quydılar. RİU üz urınında qalırğa tieş, bu wäzğıätkä bitaraf bulmıyça, prezidentıbızğa xat niätlädek, dide Tübän Kamanıñ üzäk mäçete imamı Yosıf xäzrät. Çallı şähär möxtäsibe Älfäs xäzrät fikerlären dä beldem. Anıñ äytüençä,universitetnı tarqatu äybät tügel, ul inde möselmannar arasında üz urının taptı. Älfäs xäzrät, ni genä bulsa da, universitetnıñ yözen saqlap qalası ide – di.
Ğafiulla Ğaziz
