29 nçı may Ufada Tuqay bäyräme uzdı. Ul Başqort däwlät pedagogiä universitetı qarşındağı mäydanda başlandı häm artaban uqu yortınıñ aktlar zalında däwam itte.
Çarada respublikanıñ yuğarı häm pedagogiä kölliätläre studentları, başqala mäktäpläre uquçıları qatnaştı. Tuqay bäyräme Başqort däwlät filarmoniäse häm älege ük uqu yortında ber uzğan ide inde. İkençegä uzuın räsmi bulmağan çığanaqlar älege uqu yortınıñ rektorı belän bäyläp añlata. İmeş, rektor Rail Äsädullinnı xakimiät Başqortstan tatarları kongressı başqarma komitetı räise itärgä äzerli. Bu çara rektorğa“ milli eş kürsätü” öçen kiräk.
