Rusiä prezidentı Vladimir Putin bügen Kreml''dä Dönya Gazetalar berläşmäseneñ 59-nçı yıllıq qorıltayında çığış yasap Rusiädä matbuğat irege torışın tänqitläwçelärgä qarşı çıqtı.
Putin dönyada küplär Rusiädä Sovetlar çorınnan soñ bulğan üzgäreşlärneñ iskitkeç zur buluın tanıy almıy dide."Xalqıbız añlı räweştä demokratiäne sayladı. Matbuğat ireklege bu yuldan çigenmäwne elekkeçä ışanıçlı räwetşä tä''min itä. Bu bezneñ Rusiä konstitutsiäsendä terkälgän qäderle uñışıbız. 1991-nçe yılda ul qabul itelgän matbuğat qanunı dönyada iñ liberallardan berse dip tanılğan" dide Putin.
Dönya Gazetalar Berläşmäse general direktorı Timothy Balding Rusiädä xäzerge matbuğat şartları häm yünäleşlär xuplanırlıq ta, qänäğätlänerlek tä tügel dide.
