Fransiä prezidentı Jacques Chirac Törkiä Yewropa Berlege belän üzeneñ portların häm hawa alannarın Qıbrızğa açu turındağı kileşüenä xörmät belän qararğa tieş dide.
Ägär dä Yewropa Berlege taläptlären ütämäsä Törkiäneñ Berlekkä quşıluı turındağı söyläşülär kiçekterelergä mömkin dip kisätte Chirac.
Bügen Törkiä premyer ministrı Räcäp Tayyip Erdogan ägär dä Qıbrıznıñ tönyaqtağı törek öleşenä xalıqara çikläwlär beterelmäsä Ankara Qıbrızğa üz hawa alannarın häm portların açmıyaçaq digän ide. Erdogan xätta Yewropa Berlegenä quşılu söyläşülärenä zıyan kilgän oçraqta da törkiä üz pozitsiäsendä qalaçaq dide.
