Uzğan atna urıs prawoslaw häm möselman ruxanıyları citäkçeläre kömän töşertüne reklamalawğa qarşı respublika citäkçelärenä möräcägät itkän idelär. Aña berençe bulıp respublika parlamentı başı Konstantin Tolkaçev cawap birde. Ul möräcägät autorları belän kileşüen beldergän. Abortlarnı reklamalawnı ğına tıyu näticä birmäyäçäk, monıñ öçen xatın-qıznıñ tormış däräcäsen, sotsial totrıqsızlıqnı beterergä kiräk digän. Şul uq waqıtta andıy reklamalar maxsus meditsina basmalarında ğına bulırğa tieşlegen beldergän. Şulay itep, ruxanıylarnıñ bu belderüläreneñ dä näticäse bulmadı.
