12 nçe yül Ufağa Amerikanıñ Yekaterinburgtağı General konsulı John Stepanchuk kilde. Maqsatı — balalarnıñ xalıqara tel lagerında qatnaşu. İngliz telen kamilläşterü buyınça älege lager başqalanıñ 136 sanlı başqort litseyı qarşında oyışqan.
Ufağa Vyetnam respublikasınıñ Rusiädäge ilçese Nguen Wan Ngan kilde. Ul başqalanıñ Dim rayonında vyetnam cämäğätçelege oyıştırğan “Vyetnam cämäğätçelege köne” bäyrämendä qatnaştı.
Tağı ber ildän törkem — Qıtaynıñ Lyaonin universitetı ğalimnäre Ufada. Alar Başqort däwlät universitetında bulıp, xezmättäşlek mäs’älälären öyrände. Başqort däwlät universitetınıñ xalıqara mönäsäbätlär buyınça rektor urınbasarı Vasiliy Suxanov kiläçäktä uqu yortında qıtay tele ingliz telläre belän tigez öyräneläçägen belderde.
