Däülät yıyılışı - Qoroltay Rafael Baydäülätovtıñ premer-ministr bulıp qalıuına rizalığın birźe. Premer kandidaturahın parlamentqa prezident Mortaza Räximov täqdim itkäyne. Deputattar bögöngö ultırışta unı ber tauıştan xuplanı. Äytkändäy ultırışta un altı deputat qatnaşmanı, qatnaşqan 103-sä arahında premer qandidaturahına qarşılar bulmanı. Rafael Baydäülätov ösön tauış bireüźän alda parlament ultırışında Mortaza Räximov telmär totto. Ul Vladimir Putindıñ uğa tağı 5 yılğa ışanıs kürhäteüendä xökümätteñ qaźanışı źur tine. Rafael Baydäülätov xuplanğas ta prezident oşo xaqta ukazın imzalanı. Xäźer iśke yañı premer-ministr 15 noyabrgä tiklem üź urınbaśarźarın, ğömümän ministrźar kabinetın oyoştorou buyınsa täqdimdären etkeräsäk. Oşo waqıt esendä Rafael Baydäülätov kabinetta kemdär qalasağın xäl itergä teyeş.
Rafael Baydäülätov Başqortostan xökümäte menän 8 yıl räyeslek itä. Unıñ älegä nindäy źä bulha seterekle säyäsi dairälärźä qantaşqanı bulmanı. Premer täü siratta säyäsi tormoşqa qıśılmay, qatı qul menän xujalıq itä beleüen kürhätte.
