Räsäyźä köźgö saqırılış dauam itä. Başqortostandan älegä 700-źän aşıu eget xärbi xeźmätkä saqırılğan. Ular törlö çastärźä uź burısın ütäyäsäk.
Bığa tiklem xärbi xeźmätkä egettär bäläkäy törkömdär menän kitkän, huñğı tapqır inde ber yulı 160 eget Krasnodar krayına oźatılğan. Haqlanıu ministrı Sergey İwanovtıñ Räsäy telekanalına birgän intervyuhı Başqortostanda la źur qıźıqhınıu tıuźırźı. ,,Här äsä ulınıñ qayźa häm nindäy şarttarźa xeźmät iteüen belergä teyeş, tiźźän Räsäy qorallı köstärendä ata-äsälär inspektsiyahı barlıqqa kileüe ixtimal, tip beldergäyne ul. Tap Sergey İwanov sirattağı beldereüźär yahağanda Başqortostanğa armiyalağı qot osqos xäl turahında sirattağı xäbär kilde. Eqaterinburg yanındağı ber xärbi bülektä Başqortostan haldatın tereläy ergä kümgändär. Bıl turala Uralinformbyuro ağentlığı xäbär itte. İśerek komandir häm praporçik bına şunday xayuandarsa ısul qullanıp Başqortostan egete Evgeniy Oveçkindı mıśqıllağan. Eqaterinbuğqa şıltıratıp beź egetteñ nisegeräk tere qalıuın horaştıq.
Evgeniy Oveçkin eşen xärbi proquratura tikşereü başlağan.
