Başqortstan Berläşkän oppozitsiäsenä kerüçe oyışmalar wäkilläre comğa könne üzläreneñ çirattağı kiñäşmäsen ütkärde. Anda alar bu şimbä könne ütäçäk qarşılıq çarasına soñğı äzerleklär mäsäläsen tikşerde.
Başqortstannıñ Oppozitsiä berlegenä kerüçe oyışmalar noyäber ayında uq respublikada barlıq millätlär balalarına da başqort telen mäcbüri uqıtuğa qarşılıq yözennän zur cıyın ütkärmäkçe ide. Ämma bu çara öçen Ufa xakimiätläre ber cirdä dä zur zal birmäde. İnde menä şimbä könne bu cıyınnı uramda miting sıyfatında ğına ütkärergä mäcbür buluları xaqında äytte bu çaranı oyıştıruçılar.
Qarşılıq çarası Berläşkän oppozitsiä idäräse urnaşqan binada irtänge säğät unberdä “tügäräk östäl” söyläşüe belän başlana. Annan ber säğättän anda qatnaşuçılar başqala xakimiäte binası qarşında başlanuçı mitingqa bara. Mitingta başqort telen uqıtuğa qarşılıq çığışları belän bergä qayber sotsial' problemalar da kütäreläçäge mäğlüm.
