Siklängän genä bulha la säyäsi häm iqtisadi xoquqtarı bulmağan xalıq yuğalıuğa dusar. Öfölä ütkän milli säyäsät häm mäźäniät xaqındağı yıyında tarixsı Marat Qolşäripov şulay tip belderźe. Unıñ fekerensä, federal üźäk tarafınan «Berźäm häm bülenmäś Räsäy» säyäsäten alğa höröü milli respublikalarźıñ yuqqa sığıuına kilteräsäk. Räsäy qeüätle töbäktärźän tış üśeşä almay, üźäktä oşono añlamayźar, tip iśäpläy Marat Qolşäripov.
/Mäśälän, urındağı er aśtı baylıqtarına federal üźäk xuja buldı, tabıştıñ, şul iśäptän yıyılğan halımdıñ 70 protsenttan aşıuın Mäskäü yotop tora. Bıl inde respublikanı kolonial räüeştä talauźı añlata/
Urıś bulmağan millättär urıślaşıu qurqınısı aśtında qalmahın ösön milli respublikalar haqlanırğa teyeş. Mäśälän, başqorttar küpläp yäşäügä qaramaśtan, Siläbe häm Irımbur xakimiättärendä başqort millätle çinovniktar bötönläy yuq. Federal üźäkte qarağanda, tatar menän başqorttoñ berźän– ber ğorurlığı– Eske eştär ministrı Räşit Nurğäliev qına bar. Oşonday şarttarźa ildä milli mäsäläne xäl iteü mömkin tügel. Federalizm tärtiptärenän baş tartıu, xalıqtarźıñ üźbildäläneşkä xoquğın inqar iteü küñelheź höźömtälär birmägäye tip borsola Marat Qolşäripov.
/urıś bulmağan xalıqtarźıñ däülätselege bötörölhä, bıl xalıqtar źa yuqqa sığasaq. Unitar Räsäy däüläten töźöü ideyahı urıś bulmağan xalıqtarźı bötöröügä yünältelgän/
