Könyaq Äfğanstanda Taliban yulbaşçılarınıñ berse mulla Axtar Möhammäd Osmani üterelgän. Koalisiä köçläreneñ matbuğat wäkile Thomas Collins, bu xaqta menä närsälär belderde:
"Bu – Taliban öçen zur yuğaltu, anıñ üleme Taliban eşçänlegenä yoğıntı yasayaçağına şik yuq, ämma Taliban bik tiz yaraqlaşa belä, häm anıñ urınına yaña keşe bilgelänergä mömkin, bez anı da tabaçaqbız."
Amerikan ğaskärläre bu üterüne - ciñü dip atadı. Osmani Helmand häm Qandahar vilayätlärendä Talibannı citäkli ide. Osmani häm anıñ ike yardämçese Paqstan çige buyında xärbi hawa höcümendä üterelgän.
