Rusiä prezidentı Vladimir Putin Rusiä Belarus iqtisadına yardämne däwam itäçäk, ämma nıq kimetelgän däräcädä dip belderde.
Putin Rusiä neften Belarus aşa Yewropağa qudırunıñ özelep toruına kitergän Mäskäw belän Minski arasındağı bäxäskä çik quyuçı uzğan atnadağı kileşüne xupladı.
"Bu söyläşülärneñ töp näticäse Belarustağı partnerlarıbız belän berençe çiratta energetika tarmağında bazar mönäsäbätlärenä küçü buldı" dide Putin.
Yäkşämbe könne Belarus prezidentı Aleksandr Lukaşenko Mäskäwne Belarusnı yotarğa mataşuda ğäyepläp Minski Rusiä-Belarus berlegen tözüne Rusiäneñ ber öleşenä äwerelü bularaq qaramıy dide.
