Başqortostanda xoloq töźäteü urındarı eşmäkärlege tikşerelä. Oşo turala maxsus parlament tıñlauźarı ütkärep, deputattar xoloq töźäteü sistemahı eşmäkärlegen qamillaştırıu, irektän mäxrüm itelgändärźeñ xoquqtarın yaqlauźı kösäyteü käräk tigän fekergä kilde.
Äle Başqortostanda irektän mäxrüm iteü erźärendä 19 meñ 225 keşe totola, xököm qararźarın başqarıu idaralıqtarında 18 meñdän aşıu keşe iśäptä tora. Ularźıñ 98 protsentı Başqortostan vatandaştarı. Respublika bilämälärendä 5 tikşereü izolyatorı, 12 irźär xoloq töźäteü qoloniyahı, 2 şartlı– irekle koloniya häm bäliğ bulmağandar ösön tärbiä koloniyahı urınlaşqan. Däülät Yıyılışı-Qoroltayźıñ zaqondar sığarıu, däülät töźölöşö häm sud–xoquq mäsäläläre qomitetı deputatı Aleksandr İwanov barlıq qoloniyalarźa la küźäteü qameraları urınlaştırılasaq tine.
Xököm qararźarın başqarıu federal xeźmäteneñ Başqortostandağı baş idaralığı etäksehe Viktor Şalığin äyteüensä, auır enäyättär qılğan ösön xököm iteleüselär hanı arta. 8 meñ keşe oşo statyalar buyınsa xököm itelgän. Şulay uq maxsus kontingent yıldan–yıl yäşärä bara. Törmälägeläge här ösönsö totqon– 25 yäşkä tiklemge. Mäśälän Stärletamaqtağı balalar koloniyahında 210 üśmerźeñ 38- e keşe ültergän ösön ultırtılğan.
