Accessibility links

Кайнар хәбәр

Ufada xatın-qızlar mäsälälären tikşerdelär


Comğa könne Başqortstan Hönär berlekläre federatsiäsendä xatın-qızlar problemalarına qağılışlı zur cıyın bulıp ütte. Anda güzäl zatlarnı eş belän tä'min itü häm alarnı sotsial' yaqlaw mäs’äläläre tikşerelde. Berkemgä dä ser tügel, elekke Sovetlar berlegendä dä, xäzer Rusiädä dä xatın-qızlar xezmät urınnarında eş xaqın da azraq ala kilde, alarğa zur wazıyfalar da ışanıp tapşırılmadı. Soñğı yıllarda, Rusiädä qırğıy kapitalizm şartlarında xatın-qızlarnı eş belän tä'min itü häm alarnı sotsial' yaqlawda problemalar tağın da arta töşkäne mäğlüm. Kommersiä nigezendä oyıştırılğan şirkätlär häm oyışmalar yökle xatınnarnı, yä bulmasa, keçkenä balaları bulğan xanımnarnı eşkä aludan baş tarta, xezmät xaqın da tübänräk quya alarğa. Menä şuşı problemalarnı urtağa salıp tikşerde Başqortstan Hönär berlekläre federatsiäsendä uzğan cıyında qatnaşuçılar. Bu kiñäşmä barışında bez Hönär berlekläre oyışmasında xatın-qızlar mäs’äläläre öçen cawaplı keşe - Mäxmüdä Gaynullina belän oçraşıp söyläştek. Bügenge söyläşüne bik möhim dip isäpli ul.
XS
SM
MD
LG