Accessibility links

Svetlana Kudryaşova saq astında qala


Rusiä Federal' Terkäw xezmäteneñ Başqortstan işaräse başlığı Svetlana Kudryaşovanıñ zur külämdä aqçalarnı sulğa cibärüdä şiklänelep qulğa alınuı turında xäbär itkän idek inde. Atnakiç könne Başqortstan Yuğarı mäxkämäse, Svetlana Kudryaşovanıñ advokatı täqdime belän, anı tikşerü izolyatorınnan çığaru mömkinlegen qaradı. Ämma utırış bu mäsäläne uñay xäl itmäde. Şunnan soñ advokat Wäkil Xarisov bu mäsäläne Yuğarı mäxkämäneñ prezidiumı aşa xäl itep qarayaçağın äytkän ide. Comğa könne bez iñ soñğı mäğlümatlarnı alu öçen, Wäkil Xarisov belän bäyläneşkä çıqtıq. Anıñ süzlärençä, ägär mäxkämä aşa tä'sir itep bulmasa, Svetlana Kudryaşova tağın da ike ay tikşerü bülegendä qaldırılırğa mömkin. “Ämma min häm başqa xoquqçılar monıñ belän kileşmibez häm üzebezneñ çirattağı xoquqi çaralarıbıznı qullana başlayaçaqbız”, - dide advokat äfände. Läkin ul çaralarnıñ nidän ğıybarät buluı turında äytmäde ul.

XS
SM
MD
LG