Rusiä xalıqlarınıñ kiril xärefäläre belän genä yazuın röxsät itkän qanunnıñ qabul itelüe bu könnärdä Tatarstannı ğına tügel, Başqortstannı da borçıy. Başqortlar häm tatarlar üzlären möhim eşne eşlämi qaluda, atap äytkändä qanun ölgese äzerlängändä tieşle çaralar kürep ölgermäwdä ğayepli. Watandaş isemle Başqort qorıltayı jurnalı moxarrire urınbasarı Zakir Zinnatullin äle dä törki xalıqlarnıñ kiril xärefläre belän yazuların döres dip sanauçılarğa möräcäğät itep, kiril älifbasınıñ kiläçäge şikle, dip belderä. Başqortstannıñ tatar cämäğätçelege Rusiä prezidentı Putinğa möräcäğät äzerlägän bulsa da eçke tarqaulıq arqasında xat iäsenä barıp citmägän.
Mönir Wafin, Ufa
Mönir Wafin, Ufa
