Äfğanstannıñ qır kamandirı Räşid Dustum ber yıl elek bulğan bäreleşlär waqıtında äsir itep alınğan 50 Taliban suğışçısın irekkä çığardı. Dustumnıñ yärdämçese Äbdel Mäcit Ruzi äytüençä, Qondız törmäsendä utırğan bu keşelär şimbä könne Paştun aqsaqallarına tapşırılğan. Ruzi süzlärençä, aqsaqallar bu keşelärne azat itergä sorap, Dustumğa berniçä tapqır möräcäğät itkän bulğan. Äfğanstan prezidentı Xomid Karzai, BMO häm Xalıqara Qızıl Xac oyışması räsmiläre belän bulğan söyläşülärdän soñ, Dustum äsirlärne irekkä çığarırğa bulğan.
