Säddam ministrlarğa bu qararnı tormışqa aşırunı häm aña buysınmawçılarnı cäzalawnı boyırdı. Älege qararnı raslaw öçen bügen Ğiraq parlamentı aşığıç utırışqa cıyıldı. Berläşkän Millätlär Oyışması inde küptännän, Ğiraqnıñ atom, biologik häm ximik qorallarnı räsmi räweştä tıyuın taläp itep kilä. Ğiraq xökümäte isä bezdä andıy qorallar inde yuq dip täqrarlıy. Waşingtonda Aq Yort wäkile Ari Fleischer Säddamnıñ totalitar xakimiäteneñ qanun dip atalğan närsälärenä ışanu mömkin tügel dide.
