Şul uq waqıtta Tışqı eşlär ministrlı urınbasarı Yuri Fedorov Ğiraq ildä küpläp üterü qoralları ezläwçe tikşerüçelär belän xezmättäşlegen arttırırğa tieş dip belderde.
Bügen Russiä prezidentı Vladimir Putin da Misırda ütüçe Ğäräp Ligası illäre sammitına şundıyraq möräcäğät cibärde.
Putinnıñ möräcäğätendä “Ğiraq yağınıñ xezmättäşlekkä äzer buluın kürmi mömkin tügel” dielä.
Russiä küptännän Ğiraq krizisına säyäsi çişeleş tabarğa çaqırıp kilä.
BMO İminlek Şurasında veto xoquqına iä bulğan Russiä Germaniä belän Fransiäneñ Ğiraqta qoral tikşerülärne kimendä 4 ayğa ozaytu täqdimen xuplap çıqtı.
