Kiçä Qırğızstanda avtobusta yanğın çığuı –yul qazası tügel, ä cinäyät bulğan dip xäbär itelä. Respublikanıñ Eçke Eşlär ministrlığı mäğlümatenä qarağanda qaraqlar Qoçqorka şähäre yanında Qıtay säwdägärläre utırğan avtobusnı tuqtatıp, yörtüçesen häm yulçılarnı atıp ütergän, soñınnan cinäyätneñ ezen qaldırmas öçen avtobusnı awdarıp aña ut törtkän. Yanğın bulğan urında tabılğan 21 Qıtay watandaşınıñ üle gäwdälärendä yädrä ezläre bulğan. Qıtay ilçelege xezmätkäre Azatlıq xäbärçesenä avtobusta başqala Bişkäktän Qıtaydağı Kaşgar şähärenä baruçı Uyğur säwdägärläre ide, dip belderde.
