Accessibility links

Кайнар хәбәр

A.Veremeyenko Rusiäneñ salımnar ministrlığınıñ Başqortstan idaräse başlığı bularaq kire qayttı


Başqortstannıñ mäğlümat çaraları saylawaldı eşenä ciñelde. Bıyılğı kampaniädä "sotsial reklama" digän töşençä barlıqqa kilde. Tanılğan sänğatkärlär, yazuçılar häm cämäğät eşlekläre ğadi xalıqqa ni öçen Mortaza Räximovnı yañadan prezident itep saylaw kiräklege turında söyli. Prezident Mortaza Räximov üzen yaqlawçılar armiäse tözegändä federal üzäktän ber adım yasaldı. Saylawlarda Räximovnıñ köndäşe bulaçaq dip farazlanğan eşennän kitkän elekke Baştransgaz başlığı Aleksandr Veremeenko'nıñ Rusiäneñ salımnar häm cıyımnar ministrlığınıñ Başqortstan idaräse başlığı itep bilgelänüe turında xäbär bar. Bu xaqta Başinform häm RİA mäğlümat agentlıqları xäbär itte. Başqortstan tatarları cıyınnı oyıştıru öçen cawaplı bulğan Başqortstan tatarları kongressına oppozitsiädä torğan tatar oyışmaları üz programmaların äzerli, läkin alarğa qorıltayda süz bireläçägenä ışanıç yuq. Başqortstan tatarları qorıltayına delegat itep Salawat şähäre Tatar İctimaği Üzäge Räistäşe Färid Qadırov ta saylanğan. Salawattağı tatar üzäge-Başqortstanda iñ näticäle eşlägän milli ictimaği oyışmalarnıñ berse... Färid Qadırov belän bulğan äñgämäne Azatlıq radiosında tıñlağız.

Fänis Fätxi, Kärim Yauşev, Ufa
XS
SM
MD
LG