Çexiä tışqı eşlär ministrlığınıñ elekke cawaplı xezmätkäre xakimiättä korrupsiä xaqında yazğan jurnalistnı üterergä telägäne öçen 8 yılğa iregennän mäxrüm itelgän. Mäxkämä, Karel Srba häm tağın 4 ğäyeplänüçe, jurnalist Sabina Slonkovanı üterer öçen süz berläşülären tanıdı. Karel Srbanı faş itkän mäqälälär nigezendä tışqı eşlär ministrı anı eşennän azat itkän. Häm Srbanıñ jurnalistnı üterer öçen yallağan keşese, politsiägä kilep barısın da söyläp birgän.
