Rostov Donda çeçen qızın ütergäne öçen 10 yılğa iregennän mäxrüm itelgän polqovnik Yuriy Budanovnıñ advokatı bügen mäxkämä qararın yañadan tikşertergä Yuğarı mäxkämägä birgän. Advokat Aleksey Dulimov fikerençä, cinayät qılğan waqıtta Budanov ruxi yaqtan sälamät bulğan dip sanağan xakimnär ruxi sawlıq tikşerüläreneñ qayber näticälären isäpkä almağan. 2000 yılnıñ 27 mayında Tönyaq Kafkaz xärbi mäxkämäse Budanov Çeçnädä 18 yäşlek Elza Kungayevanı urlağan häm buıp ütergän digän nigezlämä birgän ide.
