Rusiädäge Yukos neft şirkäte tiräsendäge xällärgä, anıñ citäkçese Mixail Xododrkovskida bulğan aksiälärneñ tuñdırıluına Amerika Quşma Ştatları, Yevropa Berlege häm Germaniä borçılu belderde. Bu xäl Rusiäneñ aqça bazarların teträtte häm iqtisadi kiläçäkne qurqınıç astına quydı. Amerikan Däwlät Departamentı wäkile Richard Boucher, soñğı waqiğalär Rusiädä qanun idaräsen şik astına quydı, dip belderde:
"İñ berençe äyber, aksiälärne tuñdıru – Rusiädäge qanunnarnıñ ütäleşe turında citdi sorawlar tudıra. Cirle häm çit il investorlarınıñ Rusiädäge milek mäs'äläsendä aptıraşta qalğanı küzätelä," dide Boucher.
Amerikan wäkile Rusiä xakimiätlären bu borçılularnı beterergä, älege eşneñ säyäsi säbäplärdän kilep çıqmağanı turında belderergä çaqırdı. İnvestorlar xäzer bu wazğiätne küzätep bara, häm üzläre öçen – bu ayırım ber cinäyät eşeme, yäisä Rusiädä qanunnarnıñ ütälmäwe belän bäyleme digän qarar qabul itergä tırışa, dide Boucher: "Berençedän bez, tikşerü eşläre başınnan axırına qadär ğadel alıp barılır dip ömetlänäbez. İkençedän, - bu xäl xökümätneñ eşquarlıqqa häm irekle bazar şartlarına qaraşı üzgärüe tügelder, digän ömettä qalabız", dip belderde Amerikan Däwlät Departamentınıñ matbuğat wäkile Richard Boucher.
Rusiäneñ strategik partnerı Germaniä dä soñğı waqiğalärne borçılıp küzätä. Kansler Gerhard Şröder'nıñ matbuğat wäkile Thomas Şteg, "Rusiäneñ qanunnarına ışanıç – ilneñ xalıqara iqtisadi möhitkä kerä alu şartı bulıp tora," dip belderde.
Yevropa Komissiäse wäkile Diego de Ojeda, zur öleş Yukos aksiäläreneñ tuñdırıluı – Rusiäneñ finans bazarlırında totrıqsızlıq tudırdı, häm bu älbättä Rusiä öçen uñay küreneş tügel, " dip kiçä ük beldergän ide.
Rusiäneñ üzendä dä borçılu bar. Premyer-ministr Mixail Kasyanov kiçä, Yukos kebek, cämäğätçelekkä açıq ber şirkätneñ aksiäläreneñ tuñdırıluı – yaña fenomen, anıñ näticälären älegä farazlap ta bulmıy, dip belderde. Bu xällär sürätendä, zur biznesqa qatnaşı bulğan Alexandr Voloşin, prezident Putinnıñ ştab başlığı wazifasınnan kitte. Kiçä prokuratura tuñdırılğan aksiälärneñ 4 yarım %tın azat itep, alarnıñ iäläre - Xodorkovski'nı zur külämdä aqça üzläşterü häm salım tülämäwdä ğaypläwgä qatnaşı bulmağan keşelär, dip belderde.
"İñ berençe äyber, aksiälärne tuñdıru – Rusiädäge qanunnarnıñ ütäleşe turında citdi sorawlar tudıra. Cirle häm çit il investorlarınıñ Rusiädäge milek mäs'äläsendä aptıraşta qalğanı küzätelä," dide Boucher.
Amerikan wäkile Rusiä xakimiätlären bu borçılularnı beterergä, älege eşneñ säyäsi säbäplärdän kilep çıqmağanı turında belderergä çaqırdı. İnvestorlar xäzer bu wazğiätne küzätep bara, häm üzläre öçen – bu ayırım ber cinäyät eşeme, yäisä Rusiädä qanunnarnıñ ütälmäwe belän bäyleme digän qarar qabul itergä tırışa, dide Boucher: "Berençedän bez, tikşerü eşläre başınnan axırına qadär ğadel alıp barılır dip ömetlänäbez. İkençedän, - bu xäl xökümätneñ eşquarlıqqa häm irekle bazar şartlarına qaraşı üzgärüe tügelder, digän ömettä qalabız", dip belderde Amerikan Däwlät Departamentınıñ matbuğat wäkile Richard Boucher.
Rusiäneñ strategik partnerı Germaniä dä soñğı waqiğalärne borçılıp küzätä. Kansler Gerhard Şröder'nıñ matbuğat wäkile Thomas Şteg, "Rusiäneñ qanunnarına ışanıç – ilneñ xalıqara iqtisadi möhitkä kerä alu şartı bulıp tora," dip belderde.
Yevropa Komissiäse wäkile Diego de Ojeda, zur öleş Yukos aksiäläreneñ tuñdırıluı – Rusiäneñ finans bazarlırında totrıqsızlıq tudırdı, häm bu älbättä Rusiä öçen uñay küreneş tügel, " dip kiçä ük beldergän ide.
Rusiäneñ üzendä dä borçılu bar. Premyer-ministr Mixail Kasyanov kiçä, Yukos kebek, cämäğätçelekkä açıq ber şirkätneñ aksiäläreneñ tuñdırıluı – yaña fenomen, anıñ näticälären älegä farazlap ta bulmıy, dip belderde. Bu xällär sürätendä, zur biznesqa qatnaşı bulğan Alexandr Voloşin, prezident Putinnıñ ştab başlığı wazifasınnan kitte. Kiçä prokuratura tuñdırılğan aksiälärneñ 4 yarım %tın azat itep, alarnıñ iäläre - Xodorkovski'nı zur külämdä aqça üzläşterü häm salım tülämäwdä ğaypläwgä qatnaşı bulmağan keşelär, dip belderde.
