Germaniä tışqı eşlär ministrı Joschka Fischer Törkiä räsmilärenä Germaniä Törkiäneñ Yewropa Berlegenä quşılu omtılışın yaqlıy, ämma Törkiä tiz arada demokratik reformalar ütkärergä tieş dip belderde.
Fischer bu çığışın Ankarağa 2 könlek säfären tämamlağanda Törkiä tışqı eşlär ministrı Abdulla Gul häm premyer ministr Recep Tayyip Erdogan belän oçraşqannan soñ yasadı.
Fischer şulay uq ägär dä Törkiä berlekkä quşılırğa teläsä Kipr mäs'äläsenä çişeleş tabarğa tieş bulaçaq dide.
Bu yılnıñ dikäber ayında ayında Yewropa Berlege citäkçeläre Törkiäneñ demokratik reformalar yünäleşendä, bigräk tä keşe xoquqları, mädäni xoquqlar häm dini çıdamlılıq ölkäsendä nindi tärräqiätkä ireşkänlegen qarap Berlekkä quşılu söyläşülären başlaw yäki başlamaw turında qarar çığaraçaq.
