Başqortstanda kiñküläm mäğlümat çaralarına bäyle çirattağı cäncal quyırıp kilä. Respublika xakimitları Ufa tamaşaçıları öçen eşläwçe «TV – stolitsa» isemle telewidenie qanalın yabıp quydı. Ufa citäkçeläre bu xälne texnik säbäplär belän dip añlatmaqçı bula. İmeş, bu qanal urnaşqan bina östennän elektr çıbıqları döres suzılmağan. Ämma telewidenie citäkçelege üzlärenä qarşı qılınğan bu ğämälne säyäsi säbäplärdän dip añlata. Şunısın da iskä töşerik, bu telewidenie qanalın, daimi räweştä bäysez fikerlär yañğıratqanı öçen, Başqortstan prezidentın saylawlar çorında ber ayğa yaqın yabıp quyğannar ide inde. Saylawlar ütkäç, kiñ küñellelek kürsätep, aña tağın eşlärgä röxsät birdelär, ämma ozaqqa bulıp çıqmadı bu. Wäzğiät qaysı yünäleştä däwam itär, kiläçäktä dä xäl – waqiğalar üseşen küzätä barırbız.
