Rusiä prezidentı Vladimir Putin amerikan prezidentı George Bush isemenä xat yazıp ike il arasndağı mönäsäbätlärneñ nıqlı buluın raslağan. Bügen Kreml bu xatnıñ eçtälegen bäyän itte. Soñğı waqıtta mäglümät çaralarında taralğan, bu ike il arasında mönäsäbätlär suına, digän farazlarnı Putin kire qağa. Putin yazuınça, Rusiä totrıqlı häm ışanıçlı parner bulıp qala. Amerikan prezidentınıñ, comğa könne Mäskäw metrosında bulğan şartaw uñayınnan qayğı urtaqlaşuına Putin räxmäten beldergän. Räsmi sannarğa qarağanda ul şartlaw näticäsendä 39 keşe xäläk bulğan, 100-dän artığı yaralanğan.
