Rusiä Däwlät Duması başlığı urınbasarı Alexandr Zhukov, prezident Vladimir Putin yaña premyer-ministr urnına üz namzäten yäkşämbe könne iğlan itäçäk, dip belderde. Parlament namzät mäs'äläsendä qarar birer öçen kiläse atnanıñ çärşämbesendä cıyılaçaq. Parlament'nıñ qarar qabul itergä ber atna waqıtı bulaçaq.
Prezident saylawlarına ike atna waqıt qalıp barğanda – Rusiä xökümäteneñ yaña citäkçese tiräsendä farazlar bik küp.
Mäğlüm bulğança, sişämbe könne wazifasınnan buşatılğan premyer-ministr Mixail Kasyanov urnına xökümät başlığı eşlären waqıtlıça anıñ urınbasarı Viktor Xristenko başqara.
