Accessibility links

Кайнар хәбәр

«Başmağım» säxnägä yaña sıyfatta qayttı


Bügen Mäcit Ğafuri isemendäge Başqort däwlät akademiä teaterında – premiera. Tanılğan icat kollektivı tamaşaçılarğa kiñ bilgele «Başmağım» pyesasın yañaça säxnäläşterde. Älege tamaşa tatar häm başqort teatr säxnäsendä iñ ozın ğömerle spektakllärneñ berse. Xäbibulla İbrahimovnıñ cır – biügä, uyın – kölkegä bay älege klassik äsären Tatarstandağı häm Başqortstandağı küp teaterlarıbız säxnälärendä distä yıllar buyı bardı. Berqayçan da yalqıtmıy torğan tamaşa ul.

İnde menä bu komediä yañadan da Mäcit Ğafuri teatrı säxnäsenä qayta. Ämma bu yulı anı tamaşaçılar bötenläy başqa sıyfatta kürä. Talantlı rejisser İldar Ğiläcev «Başmağım» komediäsenä bügenge kön küzlegennän qarağan häm anı bik tä üzençälekle itep säxnäläştergän. Anda milli xäzinälärebezgä xörmätle qaraş, ixtiramlı mönäsäbät alğı planğa çığa. Şulay itep törle zamannarda ideologik qısalar eçendä törleçä säxnäläşterelgän tamaşa xäzer üzeneñ başqa yañğıraşın aldı.

«Başmağım»nıñ premierı ike kön rättän – 12 – 13 mart könnärendä kürsätelä.

Fänis Fätxi, Ufa
XS
SM
MD
LG