Tähran. İran bügen, üzeneñ Berläşkän Millätlär oyışması küzätüçelärennän bernindi dä atom qorılmaların yäşermäwen häm üzenä alğan xalıqara yöklämälärne bozmawın belderde. Tışqı eşlär ministrlığı wäkile Xämit Riza Asefi Tähranda uzğan matbuğat oçraşuında, İran Xalıqara Atom energiäse idaräse belän açıq häm konstruktiv xezmättäşlek urnaştırdı dip äytte. Ul şulay uq İrannıñ bu ölkädäge xoquqları turında da belderde. "Atomnı tınıç maqsatlarda qullanu İrannıñ tabiği häm qanuni xoquqı, İran şul xoquqınnan waz kiçmiäçäk häm bez bu säyäsät üzgärer dip uylamıybız" di İrannıñ tışqı eşlär ministrlığı wäkile. Berläşkän Millätlärneñ Xalıqara Atom energiäse idaräse küptän tügel Tährannı, üzendäge qayber atom qorılmaların yäşerüdä ğäyeplägän ide.
