Accessibility links

Кайнар хәбәр

Tatarstan xucalarsız qaldı




Mäğlümat agentlıqları xäbär itkänçä, Tatarstan premyer ministrı Röstäm Minñexanov Kaliningrad ölkäsenä yul tottı. Barunıñ säbäbe – respublika iqtisatın üsterü belän bäyle. Rusiäneñ iñ Könbatış öleşendä dä tatarlar yäşi. Premyer belän bergä säfärgä Tatar kongressı wäkile dä kitte. Tatarstan wäkilläreneñ räsmi kön tärtibendä andağı millättäşlärebez belän oçraşu kertelmäsä dä, alar tatarlar belän küreşep alırğa mömkin. Prezident wazifaların başqarğan premyer Röstäm Minñexanovnıñ säfärgä kitüe respublikadağı xällärgä säyäsi tösmer östi. Prezident Mintimer Şäymiev - Çexiädä, parlament räise – yal itä, xökümät räise – säfärdä. Şulay itep, respublika xucalarsız qaldı. Konstitutsiä nigezendä, mondıy oçraqlarda prezident wazifaları başqarma xakimiät başlığına, ul bulmağanda, anıñ urınbasarına küçä. Ä alarnıñ iñ küp wäqäläte bulğanı - 1nçe vitse-premeyr Rawil Moratov. Premyer-ministr säfärdä bulğan şuşı 2 kön eçendä, respublikadağı xällär öçen, Rawil äfände cawaplı bulaçaq.

XS
SM
MD
LG