Accessibility links

Кайнар хәбәр

Başqortstan keräşennäre Pasxa bäyrämen bilgeläde


Uzğan yal könnärendä pravoslav dinen totuçılar Pasxa bäyrämen bilgelädelär. Şul isäptän keräşen tatarları da. Başqortstan keräşen tatarları oyışması räise Yevgeniy Artemev bäyrämdä xalıqnıñ yıldan-yıl kübräk qatnaşuın belderde. Ul çirkäwe bulmağan awıllarda bäyrämne tabın artında bilgeläwläre, ayıruça yäşlärneñ bäyrämgä mönäsäbäte üsüen dä ireşterde. Başqortstan däwlät statistika komitetı 2002nçe yılda ütkän xalıq sanın alu mäğlümatlarınıñ qayber näticälären ireşterde. Anda, başlıça, ir-at häm xatın-qızlarğa, ozaq yäşäwçelärgä bäyle qayber sannar ğına bäyän itelde. Respubliknıñ statistika komitetı räise Äkram Ğäniev süzlärenä qarağanda, bügen Başqortstanda 77650 xatın-qız, 67604 ir-at yäşi. 1000 irgä 1147 xatın-qız turı kilä. Tabiğät bu ayırmanı tigezläw öçenme, soñğı yıllarda 100 malayğa 95 qız tua ikän. Başqortstanda 100dän uzğan 196 äbi-babay yäşäsä, şularnıñ 188e äbi, 8e genä babaylar. Matbuğat xäbärlärenä kilgändä, urıs telendä näşer itelüçe “Respublika Başqortostan” gäziteneñ tabadan töşkän sanındağı ber mäqälä iğtibarğa layıq. Anda süz uzğan Başqortstan prezidentı saylawlarında nämzät bulğan Rälif Safin turında bara. Mäqälädä” Rälif Safin Altay respublikası Prezidentı, Rusiäneñ agrar firqa başı Mixäil Lapşin arqasında senator bulıp saylanğan ide ”dielä. İmeş, “Safin senatorlıqnı satıp alğan, töbäk başlığına waq çığımnarğa aqça birgän häm küp kenä proektlarnı finanslarğa ışandırğan. Bügen Lapşin häm anıñ firqäse bankrotlıq xälendä. Rusiäneñ üzäk saylaw qomissiäse başlığı Aleksandr Weşnyäqov firqäne finans xisapları birmägäne öçen eşçänlegen tuqtatu belän yanağan. Lapşin senatorlıqnı satu öçen yaña aqça qapçığı ezli, ä Rälif Safin isä Mixäil Lapşinnan kire aqçasın qaytarıp birüne taptıra. Yağni, Safin äfändene töp başına utırttılar” dip yaza “Respublika Başqortostan” gäzite.
XS
SM
MD
LG