Quşma Ştatlar prezidentı George Buş bügen Waşingtonda İzrail premier-ministrı Ariel Şaron belän, Ğaza sızığınnan yähüdi awılların çığaru planın tikşerä. Buş Şaronnıñ bu başlanğıçın xuplasa da, ul plan ğına yaqın könçığışta tınıçlıq urnaştıru turındağı xalıqara plannı alıştıra almıy , dide. Fälästinnärneñ premier-ministrı Äxmät Qurei, ägär dä Quşma Ştatlar Gaza sızığınnan çığarılğan yähüdi awılların Yordan yılğasınıñ Könbatış yarına urnaştıru planına teläktäşlek beldersä, bu töbäktä berqayçan da tınıçlıq urnaşmayaçaq dip kisätä.
