Ğädättä, bäyälär üskännän-üsä dip beläbez, läkin töşü oçraqları da bula. Başqortstanda küptän tügel ikmäkkä xaqlar kütärelgän ide. Qabat töşerdelär. Respublikadağı ikmäk xaqları Rusiädäge iñ yuğarısı bulıp kitkän. Uzğan yılnı reqordlı — 4.2 million tonna igen cıyğan respublikta ikmäkneñ ildä iñ qıymmätlesenä äylänüen Monopoliägä qarşı säyäsät ministrlığı tikşergännän soñ xaqlarnı kire töşerergä mäcbür buldılar. Baqsañ, ikmäk peşerüçelär tarmaqları rentabelle bulmağanlıqtan tabış alu öçen xaqlarnı üz beldekläre belän kütärgän bulıp çıqtı.
