Accessibility links

Semberdä räsmi tanılmağan möfti Fatıyx xäzrät Aliullov dinne üsterü, anı yäş buınğa iñderü mäs'äläre turında söyläşü oyıştırdı


Saqusqay mäçeteneñ 120 – yıllığı tantanasına bağışlanğan comğa namazınnan soñ. Ölkä möftie Fatıyx xäzrät Aliullov imamnarnı çäy östälenä äñgämägä çaqırdı. Anda ul süzen Räsäydä İslam dinenä qarata “üzençälekle” mönäsäbätlär turındağı mäğlümätlärdän başladı. Mäsälän, bolay dide: “Mäskäwdä “Möselmannar tınıçlıq häm tatulıq öçen” digän xalıqara konferensiä buldı. Läkin anıñ turında ber genä üzäk matbuğat çarası da xäbär birmäde. İslam dinen terror, ekstremizm, banditlıq kebek töşençälär belän genä bäyläw kampaniäse barğanda, möselmannarnıñ iminlekkä omtıluın kürsätü İslam dine doşmannarınıñ qotqısına qomaçawlar ide. Ä bu qotqı köçäya genä bara. Şunlıqtan İslam dinen torğızu öçen, üzebezdän tırışlıq, ücätlek, dinebezgä fidaqar xezmät itü taläp itelä.” Süz, nigezdä, yäş buınğa iman iñderü aldında torğan qıyınlıqlar häm alarnı ciñü yulları turında bardı. İñ möhime – mäktäplär belän tığız elemtä urnaştıru, däğwatçılar äzerläw. Bu yaktan İske Mayna rayonı İske Qızılsu awılı imamı İbrahim xäzrät, Qarsun rayonı Noğay ilenennän – Nail xäzrät, İske Qulatqıdan Änwär xäzrät täcribä urtaqlaştılar. Läkin küpçelek çığışlar yasalma kirtälärne ciñep çığu yulların ezläwgä bağışlanğan ide. Zarlanular da baytaq işetelde. Mäsälän ölkä üzägeneñ Mostovaya bistäse mäçete imamı Änwär Xucin fikerençä, xaqimiät bezne añlamıymı, ällä añlarğa telämime inde: här yaxşı ğamälgä al'ternativ eşlär oyıştırıla, moña üzebezneñ möselman keşeläre cälep itelä. Yäğni “bülgälä dä xaqimlek it” äsasınıñ qullanılışı küzgä çağıla. Tatarstannıñ Bua rayonı imam-möxtäsibe Linur xäzrät Sabircanov üz “bilämälärendä” däğwatçılar äzerläw täcribäse bulän urtaqlaştı. “Tuğan tel” oyışması wäkilläre Sember qalasınıñ Wırıpay mäçete qaramağındağı mädräsäne dä däğwatçılar äzerläw yağınnan qullanu mömkinlegenä iğtibar yunälttelär. Älegä anda tormışta qullanılışı bik az bulğan ğaräp imlyasın öyränü häm doğalar yatlaw belän genä çiklänälär. Ä tormışçan ğamällär, bügenge wäzğıätkä tä'sir itärlek çaralar qullanılmıy häm, näticädä, mädräsäneñ eşçänlege tä'sire xalıqqa islam tärbiäse birüdä yuk däräcäsendä. Läkin din citäkçelege bu möhim täqdimnärgä üz mönäsäbäten anıq beldermäde. Farazlarğa ğına qala: bulğan mömkinleklärne qullanunı da küzgä kürenmägän su astı taşları totqarlıydır, küräseñ. Ayrat İbrahim, Sember.
XS
SM
MD
LG