Borınğı Bolğar qalası Semberdä “Cide yoldız xit paradı” digän çara uzdı. Çara isemeneñ bik qupşı yañğırawı beraz uñaysızlıq xise tudırsa da, tatar xalqınıñ talantlarğa haman da bay ikänen isbatlawı küñellärgä yatışlı. Tamaşada qatnaşqan yäş cırçılar Marsel' Wäğizew, Rinat Şahidullin, Güzäl Arslanova, Wil Usmanov, Gölşat İmamiewa, Rezeda Qadıyrowa – barısı da üzençälekle sälätkä iälär.
Çaranıñ maqsatın anı alıp baruçı, “TYĞ” radiosı diktorı İlnur Fäyzraxmanow yäş talantlar belän tamaşaçını tanıştıru, yäşlärgä täpiläp kitärgä yärdäm itü, dip añlattı.
“Nigä soñ yäşlär haman tırt-pırt taqmaqlar belän mawığa?” – digän sorawğa İlnur tınıçlanırlıq cawap birde. Anıñ äytüençä, “tırt-pırt” digäne xäzer çigenä başladı, xalıq tarafınnan moñlı cırlar cılıraq qabul itelä, ber-ike yıldan tatar säxnäsendä milli moñıbız yänä dä layıklı urının biläyäçäk. Anıñ süzlären raslağanday, talantlı cırçı Rezeda Qadıyrowa üzeneñ xalıq arasında tanıluına iñ äwwäl “Şämdällär” digän moñlı cırğa burıçlı ikänen assızıqlap äytte. Häm bu yulı şuşı cır ozın-ozaq alqışlarğa layık buldı.
Şunı da östäp äytergä kiräk. Çarada Ul'yan pedagogiä universitetınıñ tatar tele uqıtuçısı Çulpan Firğaliewa da 4 cır belän qatnaştı. Çulpan tutaş bu cırlarnıñ süzlären dä, köylärendä üze yazğan. Anı “säxnä yoldızı” dip tügel, mäğärif äydäwçese dip atasañ, xäyerleräk bulır. Çönki ana telen uqıtudan da izgeräk ğamäl bügenge wäzğıät öçen yuktır da.
Ayrat İbrahim, Sember
Ayrat İbrahim, Sember
