Accessibility links

Кайнар хәбәр

İjaw pedagogika kölliätendä uqırğa teläweçlär bik az


Udmurtiä tatar ictimaği üzäge tırışlığı belän respublikada berençelärdän bulıp başlanğıç sıynıflarda tatar tele uqıtuçıları äzerläwne İjaw pedagogika kölliäte başlap cibärde. Soñraq tatar tele häm ädäbiäte uqıtuçıları belgeçlegenä abiturientlarnı Udmurt däwlät universitetı da qabul itä başladı. Kölliättä ike yılğa ber tatar gruppası tuplana. Anda da çiratlaştırıla - ber yılnı tatar balalar baqçalarında eşläw öçen tärbiäçelär, ikençe yılda başlanğıç sıynıflarda tatar tele uqıtuçıları äzerlänelä. Planda qaralğança, bıyıl şuşı bülektä tärbiäçälär uqıtıp çığaru küzdä totıla ide. Älege gruppanı tuplaw turında färman iyün ayında ğına bilgele buldı. Kölliätneñ tatar tele uqıtuçısı Wäsilä Xäkimova, Udmurtiä cirlegendä belgeçlärgä moxtaclıq barlığın isäpkä alıp, bıyıl rayonnardan kübräk abiturientlar qabul itärgä kiräklegenä basım yasağan ide. Qızğanıçqa qarşı, kölliätkä tuğızınçı sıynıfnı tämamlap, anda uqırğa omtıluçılar küp tügel ikän. Qabul itü komissiäse sekretare Nadejda Rıylova äytüençä, "10 keşe qabul itärgä äzerlär kölliätkä, ämmä bügengä biredä uqırğa teläk belderep sigez genä ğariza birelgän". Nadejda Rıylova süzlärençä, şähär mäktäplärendä uqığan balalar, tatar telennän imtixannarnı birä almabız dip qurqıp, dokumentların başqa büläklärgä tapşıra. Yuğisä, uquçılarnı qızıqsındıru öçen bıyıldan tärbiäçelärgä östämä belgeçlek tä birü mömkinlege tikşerelgän. Tatar tele belän berrättän tağın ber tel - çit telne dä öyränü mömkin bulır ide dä, uquçılar, ata - analar arasında añlatu, agitatsiä eşe sülpän alıp barılğanmı, yäisä balalarnıñ tuğızınçı sıynıftan soñ kitäseläre kilmägänme, ällä inde kiläçäktä eş xaqı tübän buluın küzallap, monda uqırğa teläwçelär sanı azmı, äytüe qıyın. Tik şunısı açıq, birelgän mömkinlektän tieşle däräcädä qullana almağannar tatarlar.

Xämidä Ğayfullina, Udmurtiä
XS
SM
MD
LG