Bağdatta ütä torğan il küläm konferensiädän 8 keşelek törkem Än Näcäfkä kilde. Delegatlar şigilär yulbaşçısı Moqtada Äl-Sadr suğışçıların qoralların taşlarğa, izge şähärdän çığıp kitergä häm säyäsi protsessqa quşılırğa çaqıraçaq. Äl-Sadr köçläre inde ike atnağa yaqın amerikan ğäskärläre belän suğış alıp bara. Bügen İmam Ali mäçete yanında bäreşlär bulğan dip xäbär itelä. Näcäfqa barırğa cıyınğan zurraq wäkilçelek isä säfären iminlek säbäplärennän kiçekterde. Bügen Bağdatta Ğiraqnıñ waqıtlı xökemätenä ğıynuarda ütäçäk saylawlarğa qädär yärdäm itäçäk Milli şura tözü öçen cıyılğan il küläm konferensiä üz äşen däwam itte.
