Cäy inde betep kilä, xörmätle tıñlawçılar. Ämma yal sezonı äle dä däwam itä. Arağızda yalğa cıyınuçılar da bardır. Säyäxät itergä yaratuçı yäşlärneñ, bigräk tä studentlarnıñ matdi mömkinçelekläre çiklängän. Ämma aqça bulmawı dönyada yäşlärne säyäxätkä çığudan totıp qalmıy, alar – säfärgä çığunıñ iñ arzan häm şul uq waqıtta macaralı yulı – autostop yulın saylıy. Soñğı yıllarda autostop belän säyäxät itü ideası Rusiä yäşläre arasında da tarala başladı. Peterburda yäşäwçe millättäşebez yartı Yevropanı äylänep çığu täcribäse belän Azatlıq tıñlawçıları belän dä urtaqlaşırğa riza buldı. Bälki anıñ kiñäşläre yalğa kitüçelär öçen dä faydalı bulır.
Rässam Salawat Şäyxenurov belän sezne Azatlıqnıñ şimbä tapşıruında tanıştırabız.
Fäyzraxman Kamalov, Peterbur
Fäyzraxman Kamalov, Peterbur
