Şähär xakimiäte bügen ütä-uñ Milli Demokratik partiäseneñ İslamğa qarşı uram cıyının tıydı. Polisiä eşläre ministrı Ehrhart Koerting, Germaniä konstitusiäse "şähärdä islam üzäklärenä qarşı" şiğärlär totıp uramğa çığunı tıya, dip belderde. Uram cıyını irtägä ütärgä tieş ide. İmmigrantlarğa qarşı bulğan Milli Demokratik partiäse äğzaläreneñ kübese – neo-Nazilar. Uzğan yäkşämbe könne bu firqa könçığıştağı Saxonia ştatında saylawlarda 9% tawış alıp Germaniäne şaqqatırdı. 1968nçe yıldan birle mondıy näticälärneñ bulğanı yuq ide.
